ORÍGENES

Leti’e’ síijnajij tu noj kaajil Tizimín, Yucatán, tu k’íinil junk’al ti julio ti’ u ja’abil 1969, u yuume’ Filomeno Pat ajboonil yéetel Nidia Herrera. Selene u xookaj Ingeniería ti sistemas Computacionales yéetel  Programador analista tu noj náajil xook  Tecnológico tu noj kaajil Mérida (ITM). Leti’e chan chichan ka jo’op’ u k’ajóoltik le boonilo’, sukchaj u yaantik u yuume’ ti u meyaj boonilo’ob je’en bix rotulos yéetel u jeel boonilo’ob tuláakal le miatsilo’o’obo’ utschaj tu yich. U ti’al u meyajtik boonilo’ob je’en bix óleo, acrílico, pastel, acuarela, grafico, yéetel u jel ba’alo’ob tu’ux ku e’esik  ichil u meyajo'obo’, ya’abkach seminarios yéetel cursos u xookmaj.

Ichil u najil xook primaria "Kabah" tu noj kaajil Cancúne’ yéetel tu jardín Bepensa tu noj kaajil Mérida, tu mak’antaj mejen boonilo’ob ti pak’, ts’o’ok u ts’aik talleres tu’ux ku ka’ansik boon ochel yéetel boonil ti u jejelas najil xooko’ob tu kaajil Tizimin, je’en bix u najil xook mejen paal Remigio Aguilar Sosa, EMSAD COBAY, yéetel u jeelo’ob.

Nojoch ka'ansajo'ob je'en bix x-ka’ansaj Mirna Mena Díaz, Filomeno Pat, Víctor Argáez, yéetel u jeelo’obe u ts’amo’ob xook ti’. Ts’o’ok u k’amik reconocimientos ku ts’abal tumen u noj kaajil Tizimín, Casa de la cultura, COBAY, CBTA, ISSTE Cultura, yéetel u jeelo’ob.

Leti’e ku ts’aik xook tu chan kúuchil xook ku k’aaba’tik Lunatic art, beyo’ ku áantik mejen paalal, yéetel táankeleno’ob ich asistencia social beyxan ku ts’aik xook ti’ ka’p’éel bo’otbil najil xooko'ob  Crescencio Carrillo y Ancona (CCA) yéetel Colegio Tizimín, ku meyaj xan ti Casa de la Cultura yéetel ti Centro comunitario layli’ tu kaajal Tizimin.

Leti’e’ juntúul xboonil, artista jach ki’imak u yool tumen ku e’esik u miatsil u   kaajal Tizimin, Yucatán.