ORÍGENES

Síijen tu noj kaajil Bacalar Quintana Roo tu k’íinil lajun, ti' octubre tu ja’abil 1973, yéetel in weetele’ waktúul suku’uno’on. Ju beytal in a’alike’ desde in chichnil tin tuukulta le boonilo’ yaan u p’atal tin wetel ti tu láakal in kuxtal. U k’abae’ in yuume’ Roberto Álvarez Quemé leti’e’ koolnáal, in na’e’ Socorro Martínez Sarmiento, leti’e’ ich naj ku meyaj. Te’ kaajo’ tin káajs in xook, taanile’ binen tu najil xook mejen paalal, tulakal in xooko’obe’ tin ts’o’oksaj’ tu náajil xook CREN “Javier Rojo Gómez, te’ tin k’aminbaj bey ajka’ansaj ti' Educación Primaria.

U jats’utsil le escultura, paaxil yéetel k’ayt’aano’ jump’éel ba’al jach nojoch ichil in meyajo’ob tumen ku beetik u chikpajal bey jump’éel tumben yóok’ol kaab (mundo surrealista). Ts’o’ok in táakpajal ti múuch’ meyaj yéetel jujuntúul e’esajilo’ob ti’  nojoch kaajo’ob je’en bix: Bacalar, Chetumal, Playa del Carmen yéetel México, bey xan takpajij ti ketlamo'ob ichil u náajil xook tu'ux xooknaji.

U jats’utsil ba’al kin wilik te’e muralismoo’, tumen ku chaik in e’esik ti, ya'abkach boonil ku bin u tal tin tuukul, le boonilo’ob ts’o’ok in beetik ti’ jejeláas kúuchilo’ob tu noj kaaj Bacalar je’en bix: u najil xook Normal Javier Rojo Gómez yéetel le CAM, tu kaajil Calderitas, ti u náajil xook primaria “27 ti' septiembre”, tu kaajil Playa del Carmen: "Maestro Mexicano" u najil xook primaria.

Tene’ ajka'ansajen ti boon ochel yéetel boonil ti’ U.T. ti’ u kaajil Solidaridad ichil u ja’abil 2005-2006.

Leti’e’ ajka'ansaj boon ochel yéetel boonil ti' ka'ap'éel jala'achil ts’o’ok u yaantal tu najil miatsil tu noj kaajal Playa del Carmen.

Bejla'e' kaja'anen tu noj kaajil Playa del Carmen tu'ux kin ts’aik xook ti ja’atskab k’íin tu najil xook primaria “Maestro Mexicano” yéetel tu naajil xook “Rafael Kantún Chí” ti chúumuk k’íin.