ORÍGENES

Síijen tu k’íinil wak lajun, ti’noviembre tu ja’abil 1999 tu kaajil Buctzotz, Yucatán, México. In yuume juntúul ajkoonol, u k’aabae’ Hilario Díaz Talles, Cenotillo u kaajal, in nae’. Hernilda Noh Aldana, u kaajal Buctzotz. In na’ tu nojochkinten tu kaajil Buctzotz, leti’ tu ka’ansaj ten tu láakal ba’alo’ob yo’osal le kuxala’.

Chan chichnen ka jo’op’ u chikpaj uts tin wich le paaxo’. Le ka’aj yanchajten wukp’éel ja’abo’obe’, ichil tu kúuchil hacienda San Francisco, Tzacalha, tu kaajil Dzidzantún, jo’op’ in k’ajóoltik jump’éel tumben yookól kaab yéetel le paaxo’. Le ba’ax uch te’e k’íino’, tu beetaj in káajsik in kaambal paax, beyxan tu beetaj in especialisarkimbaj ti u xookil violín yéetel flauta transversal tu noj kaajil Mérida, ajka’ansaj Juan José Tzab tu áantaj in xíimbalil ichil le xooko’.

In xook paaxe’, tu beetak ka yanak u pajtalil ten, ti e’esajilo’ob paax, ti jejeláas teatros ti' u noj kaajil Mérida, kúuchilo’ob je’en bix Peón Contreras, Armando Manzanero, Felipe Carrillo Puerto, Daniel Ayala, yéetel u jelo’ob. Beyxan ts'o'ok u yantalten u páajtalil in beetik in e’esajil ti' jejeláas kaajo’ob yaan tu noj lu'umil Yucatán.

Tene’ tin ts’amaj xook yo’osaj teoría musical yéetel ejecucion ti' instrumentos ti' u najil xook Colegio Tizimín, beyxan táakpaja’anen meyaj ti’ Casa de la Cultura tu kaajil Buctzotz (2024-2027)

Ti u ja'abil 2022, tin káajs meyaj u mola'ayil "La Casita del Canto", tu'ux tak 80 mejen paalalo’ob tu jejelas chan kaajo’ob Buctzotze’ ku pajtal u taalo’ob u ti’al u kaniko’ob paax yéetel jejelas nu’ukulo’ob paax.

Bey xan, tan in meyaj u ti’al u pajtal u wa’ach’al jump’éel múuch paax violinistas tu kajil Tizimin, Yucatán. Jump’éel ba’al jach in k’aate’ yo’osaj le paaxo’, ka yanak u jeelo’ob ka u kano’ob ba’ax kin e’esikti’ob, beyo’ kin tuukultik táan in wáantik u ma'alo'obtal u miatsil in kaajal.