ORÍGENES

Claudiae’ sijnaj tu k’íinil óox ti marzo tu ja’abil 1982 ichil u noj kaajil Mérida. U k’aaba’ u nae’ Elda María Kú May, u yuume’ José Domitilo Cimé Loeza. Tu láakal u chichnil tak bejla’e’ kajakbal tu chan Kajal Molas. Leti’e’ chichan ka utschaj u yich le boonilo’obo’, ka yaanchaj wukp’éel ja’abo’ob ti, jo’op’ u nojochkunsik oochel ku yáax boonik ti mejen ju’uno’ob, ka ook xook u secundariae’ te’ tu k’ajóoltaj ya’ab ba’alo’ob yo’osal boon ochel yéetel boonilo’ob. Ka yanchaj ti’ 22 ja’abo’obe’ tu kanaj ya’ab ba’alo’ob yo’osaj meyaj boon ochel, te’elo’ tu chúunsaj u beetik boonil ti jejelas kúuchilo’ob, ya’ab ba’aolo’ob ti’ le k’íino’obo’ e’esab ti’ tumen u ajka’ajsaj Víctor Argáez  Sánchez, tu yéetele’, ichil u ja’abil 2004, Claudiae’ tu chúunsaj u jach xook bey xboonile’, te’elo’ tu kanaj ya’ab e’esajilo’ob yo’osaj le boonilo’.

Ti’ ya’ab u boonilo’obe’ tu meyajtaj estilo costumbrista, ba’ale’ layli ts’o’ok u meyajtik ba’alob yo’osaj áalak’o’ob, bodegones yéetel u meyajil escultura beyxan Arte Objeto. Leti’e yéetel Círculo verde, tu meyajto’ob jump’éel múuch’ Colectivo Hidalgo yéetel ajboonilo’ob ti jejelas noj kaajo’ob. Tak bejla’e layli xka’ansaj, ku ts’aik xook Arte ti mejen kajo’ob ich noj kaajil Mérida, way Yucatan.

Claudiae’ takpaja’an yéetel maaxo’ob tu chúunso’ob le “Encuentro de Pintores de la Península de Yucatán” bey xan, bin tu’ux úuchnaj “Primer encuentro” ti tu Kúuchil Paax tu noj kaajil Mérida’,la’aten beeychaj u beeta’al xan tu kaajil Calkiní, Campeche “segundo encuentro”, tu kaajil Tizimin, beta’ab Tercer Encuentro, tu kaajil Motule’ le 4º Encuentro, tu kaajil Buctzotze’ u 5º Encuentro,Hecelchakán Campeche 6º Encuentro,uuch ti Aeropuerto Internacional ti u noj kaajil Méridae’, le 7º Encuentroe’ Progreso Yuc.; Umán Yuc úuch 8º Encuentro yéetel  Encuentro ajboono’ob ti Oaxaca yéetel Yucatán Galería ARTE-10-10 (lajún, lajun).  

U jel tu’ux meyajnaji yéetel u jejelas noj lu’umilo’ob, tak Venecia yéetel (asociación cultural proyecto 7LUNA) “L’assocazione culturales Progetto 7LUNE”. Ti u ja’abil 2023 meyajnaj yéetel jump’éel u boonile’ ti Galería de arte “Casa Rural de Maxcanú” way Yucatane’.