ORÍGENES

  Sijnajen tu k’íinil kan, ti marzo, tu ja’abil 1975 tu chan kaajil Dzununcán, ichil u lu’umil tu noj kaajil Mérida, Yucatán. Le jats’uts meyaja’ jo’op in beetik ka yanchaj ten wukp’éel ja’abo’ob, le k’íino’obo’ tin wilaj in suku’une’, ku boonik pix icho’ob, yéetel máak ku ba’atelo’ob, ti secundariae tin meyajtaj boonil ochelo’ob, ka k’atabten  tumen in ka’ansajo’ob u ti’al u tak’ko’ob laboratorio. Ti k ka’atúulil yéetel in suku’une’ tu láakal k’íin uts tin wicho’on le boonilo’, kin beetko’on boonil u ti’al u náajil ki’ichkelen yuum wa u ti’al kúuchil tu’ux ku ko’onol ba’alo’ob.

Tin ch’a’aj jump’éel xook yo’osaj Historia del arte yéetel CONACULTA, u jel ba’al tin xookaj te’ k’íino’obo’ Anatomía, ti u noj naajil xook Facultad de Arquitectura, beyxan tin ch’a’aj u jel xooko’ob yo’osaj jejelas boonilo’ob yéetel jka’ansajo’ob ku meyajo’ob tu noj kaajil Mérida. Ti’ u ja’abil 2004, ajka’ansaj Victor Argáez k’uuch ti le chan kaajo’  yéetel u meyaj “arte en las comisarías” ka jo’op’ u kaxtik xooknáalo’ob  u ti’al u béetik jump’éel muuch’ meyaj te’ kaajo’, ten yéetel in suku’une’ mix ka’ateen tin tuukulto’on ka bino’on in wilej, ka tin ts’íib in k’aaba’on, ti u laak’ ja’abile’ tune’, tin beeto’on  k yáax e’esajil boonil te’e Centro Cultural olimpojo’.

Chen ba’ale’ ichil in ka’atúulilo’on, chen teen beychaj in seguirtik le jats’uts meyaja’, te’e k’íin tuno’ tin chúuns in jach meyaj bey artista plásticoe’, ti u ja’abil 2005 je’ab u jel xooko’ob ichil mejen kaajo’ob yéetel nojoch kaaj, tak bejla’e layli kin ts’aik xook te’elo’.

Ti’ u ja’abil 2007 tin beeto’on u muúch’il meyaj  Círculo verde,” yéetel aj boonilo’ob kajakbalo’ob ti mejen kaajal maya’ob, to’one’ tin beeto’on ya’abkach e’esajilo’ob ti galerías, museos, hoteles, kúuchil janalo’ob bey xan nojoch najil xooko’ob ti u noj kaj Mérida’, bey xan bino’on ti ya’ab mejen kaajo’ob way Yucatane’ je’en bix Buctzotze’, Hunucmá, Izamal, Telchac yéetel u jeelo’ob, tu láak’ ja’abe’ meyajnajen ti jump’éel k’ex miatsil yo’osal Popol Vuh, binen tu noj kaajil Tuxtla Guitierrez, Chiapas, beyxan ti’ tu láakal u lu’umil Yucatán.